Presentasjon av ordførar Edvin Haugen

Eg er no inne i min 2 periode som medlem i Hornindal Kommunestyre. Fyrste perioden sat eg i kommunestyret. I denne perioden har eg i tillegg til kommunestyre vore medlem av formannskapet.

Til no i mitt yrkesaktive liv (12 år) har eg hatt Ekornes Grodås som hovudarbeidsgjevar. Ein jobb som har vore trygg, god og ikkje minst utviklande.
Erfaringane frå Ekornes har gjett meg ein god balast som eg veit kjem godt med i rollen som ordførar.

Eg ser fram til å jobbe som ordførar, og vonar at eg i godt samarbeid med administrasjonen, politikarane og bygdefolket kan gjere ein jobb til Hornindal Kommune sitt beste.
Mange spennande saker og utfordringar står for tur som til dømes: RV 60, bygging av fleirbrukshall, utvikling av Coop-tomten og ikkje minst førebuing til ”livet etter” Kvivsvegsopninga. Her har vi alle eit felles ansvar for å stå rusta for framtida.

Håpet mitt er at bygdefolket, og folk elles vil bruke meg aktivt i tida framover. Eg vil etter beste evne prøve å vere ein lyttande og hjelpande ordførar. Så ikkje nøl med å ta kontakt!

Vi pratast!!